‘OLIVEIRA DOS CEN ANOS’ TRIUNFA NOS PREMIOS NACIONAIS DE CREATIVIDADE CON 8 GALARDÓNS

O RC Celta foi a segunda marca máis recoñecida con 4 ouros, 3 pratas e 1 bronce

O himno do Centenario, “Oliveira dos Cen Anos”, recibiu esta tarde en Donostia un dos recoñecementos máis importantes até a data. O himno composto por C.Tangana e o seu correspondente vídeo, producido polo club e Little Spain, foron uns das grandes triunfadores con 8 galardóns na XXV edición dos Premios Nacionais de Creatividade, que organiza o Club de Creativos. Antón Álvarez (C.Tangana), Cristina Trenas de Little Spain e Gael García, responsable de Contidos do RC Celta, estiveron presentes na gala.

Estes premios, que son a maior distinción no sector publicitario en España, pon ao Celta ao nivel de grandes firmas nacionais e internacionais como Estrela Galicia, Dove, Greenpeace, KFC, Heinz, McDonalds, Netflix, Red Bull, Sony Music ou Suchard, entre outros. De feito, a gala desta tarde, celebrada no Kursaal de Donostia, sitúa ao RC Celta a segunda marca máis recoñecida no palmarés do certame con 4 ouros, 3 pratas e 1 bronce. Un fito só ao alcance de grandes anunciantes.

A primeira distinción da velada chegou en forma de Ouro na categoría de Estratexia, en concreto baixo o epígrafe de Táctica. O xurado recoñeceu como o RC Celta, da man do talento de C.Tangana, soubo aproveitar a oportunidade que lle ofrecía o Centenario para reforzar a súa estratexia de marca.

“Oliveira dos Cen Anos” foi recoñecido tamén cunha Prata en Sonoro dentro da categoría de Contido. Un ámbito que recoñece a creatividade e a innovación daqueles contidos que grazas á súa relevancia chegan a unha audiencia fose do espazo publicitario convencional.

Na categoría de Craft, que recoñece todos os aspectos relacionados coa execución das pezas presentadas, o espectacular vídeo que acompañou ao himno foi recoñecido en varios apartados. Antón Álvarez (C.Tangana) recolleu o Ouro á mellor dirección. O xurado valora así o traballo que realizou Antón tras as cámaras, galardoando a posta en escena final da peza, tanto a nivel técnico como a nivel artístico.

Nesa mesma categoría de Craft o xurado destacou o espectacular traballo do equipo de Little Spain, produtora detrás da produción do vídeo de “Oliveira dous Cen Anos”. En concreto, nas categorías de Efectos especiais (Prata), Dirección de Produción (Prata), Dirección de Fotografía (Ouro) e Son e música (Ouro).

No apartado de Ideas, o proxecto foi recoñecido cun Bronce ao valorarse a calidade da idea tras o himno e a súa achega ao crecemento de marca.

Oliveira dos Cen Anos – Premios Nacionales de Creatividad

Oro en Táctica

Oro en Realización

Oro en Dirección de fotografía

Oro en Sonido y música

Plata en Efectos especiales

Plata en Dirección de producción

Plata en Sonoro

Bronce en Ideas