AXENDA

O gran reto de "100 anos - 100 toneladas" estará vixente todo o ano con puntos fixos nas tendas oficiais do RC Celta, e outros puntos estratéxicos que se irán anunciando ao longo do ano para conseguir a meta solidaria de 100 toneladas de produtos de primeira necesidade para o Banco de Alimentos.

Realización dunha exposición fotográfica como homenaxe á traxectoria do Real Club Celta. Data pendente de confirmación*

Cremos na sustentabilidade, polo que organizaremos unha xornada de limpeza de praias a final da tempada estival. Queremos manter limpa nosa terra, únete e axudemos xuntos ao medio ambiente!. Data pendente de confirmación*

Para completar a acción de plantación de árbores de Mos, o RC Celta plantará 100 árbores nos terreos da Cidade Deportiva para sumarse á iniciativa na que participarán outras Comunidades de Montes do municipio e o propio Concello para a reforestación e conservación da natureza do municipio.

Pola celebración do centenario do club, organizarase unha regata nas inmediacións da ría de Vigo. Data pendente de confirmación*

Tras a votación do 11 histórico, prepárate para o lanzamento dunha acción conxunta con Estrella Galicia da que quererás formar parte. Déixache sorprender!

O 23 de agosto, sendo o día en que hai 100 anos fusionáronse os equipos Real Vigo Sporting e Real Fortuna para crear en Real Club Celta de Vigo, colocarase a primeira pedra do proxecto Galicia Sports 360 que levará a un nivel máis alto o deporte galego.

Próxima apertura do Museo Real Club Celta que fará honra aos 100 anos de traxectoria do club. Este situarase, como é habitual, no estadio de Abanca Balaídos. Poderase acceder con entrada e ofrecerase un circuíto para vivir de forma inmersiva toda a experiencia. Data pendente de confirmación*

Celebrarase un torneo de golf con motivo dos 100 anos do Real Club Celta.

O RC Celta, a súa Fundación e o Banco de Alimentos Vigo reactivan este martes antes do partido ante o Girona en Abanca Balaídos a campaña solidaria ‘100 Anos – 100 Toneladas’. A partir das 18:00 horas, os afeccionados que o desexen poderán realizar as súas doazóns nas bancadas de Gol, Río e Tribuna, onde serán recollidas por voluntarios e integrantes de Fundación Celta Integra e depositadas en furgonetas do Banco de Alimentos.

Grosso Napoletano únese ao Centenario do RC Celta como colaborador oficial. A cadea de pizza artesanal aterra en Vigo co seu primeiro restaurante e a súa exclusiva pizza, a Afouteza Napolitana, unha pizza inspirada en ingredientes típicos galegos, para celebrar os 100 anos do club. A pizza Afouteza Napolitana está inspirada en ingredientes típicos galegos; os grelos e o lacón, e poderase gozar durante un mes. Descúbrea!

Seguimos celebrando con Mos o Centenario. O próximo15 de maio evento, co apoto do concello de Mos, levará a cabo un evento no que os alumnos de bacharelato do IES de Mos poderán atoparse con algún dos seus xogadores favoritos e gozar da actuación de Alejandro Portilla, freestyle do balón. Achegamos o RC Celta aos máis novos!

Tras a primeira fase na que o público propuxo posibles nomes para a parte inferior da nova grada de Abanca Balaídos, comeza a segunda fase na que podedes votar entre as 10 ideas máis significativas enviadas polos participantes. Cal é o nome co que che gustaría chamar á nova bancada? Podes votar ata o domingo, 14 de maio, ás 23h picando AQUÍ.

A Coral Casabranca ofrecerá un especial concerto para conmemorar o Centenario. Este, terá lugar no Teatro Afundación de Vigo.

Un encontro onde os menores de 16 anos coñecerán a fondo a historia do RC Celta, e gozarán da presenza dos canteiráns Iago Aspas e Gabri Veiga, e a actuación de Anto Sanz, 3 veces campión de España e oitavo do mundo de fútbol freestyle. As entradas custarán 1€ por persoa, que irá destinado ao Banco de Alimentos. Esperamos a todos os mozos no Auditorio Mar de Vigo, o 19 de abril, ás 18h. Compra aquí a túa entrada.

A reconquista continúa este domingo en Abanca Balaídos. Desde as 12.30 horas, todas as bancadas do estadio de Abanca Balaídos ofrecerán comida aos afeccionados. Isto estará amenizado por Eme DJ, unha das DJ máis recoñecidas entre os festivais do país, que estará a picar desde as 12:45h ata o inicio do partido. Ademais, xusto antes do comezo vivirase un momento moi especial e emotivo, co saque de honra de Julián Mouriño Trigo, o abonado máis lonxevo do club que acaba de cumprir 101 anos. Isto dará pé ao momento máis esperado, un partido contra a UD. Almería decisivo para determinar o devir do RC Celta, ven a gozar este día tan especial connosco!

A Cidade Deportiva Afouteza achégase aos residentes do municipio de Mos con varias cotas de visitas guiadas os días 14 e 22 de marzo.

O 21 de marzo, o RC Celta asistirá á presentación da plantación das 1000 árbores previstos no municipio de Mos con motivo do Día Mundial dos Bosques.

O vindeiro domingo, 12 de marzo ás 12:30h, o equipo Celta Zorka Recalvi xogarase o ascenso para os playoffs da LF Challenge contra o Club Joventut Badalona. Este encontro tan especial xogarase, ademais, como homenaxe aos 100 anos do RC Celta, e terá entrada de balde para todos os que asistan con algunha peza do noso club. A competición terá lugar no Complexo Deportivo de Navia, en Rúa de Lamelas, 5, en Vigo (Pontevedra).

Coincidindo co 8M, un grupo de mulleres de colectivos e asociacións de mulleres do municipio de Mos visitarán a Cidade Deportiva Afouteza acompañadas do presidente do RC Celta, Carlos Mouriño, e da alcaldesa de Mos, Nidia Arévalo.

As categorías inferiores da Canteira terán visitas organizadas ao Museo do Mar de Galicia para achegarse ao arquivo pictórico do RC Celta exposto neste museo, e gozar deste espazo único que une a arte co mar.  

Os días 1 e 2 de marzo o Centenario chega á Facultade de Comunicación de Pontevedra cunha edición especial das charlas Érték Conference, un congreso de márketing de iniciativa estudantil no que profesionais de distintos ámbitos da comunicación e o márketing reúnense para compartir as novidades, tendencias e know-how da comunicación e o mundo deportivo.

Con motivo dos 100 anos do club, Eusebio Sancristán será o primeiro 'Embaixador do Centenario' e realizará o saque de honra o domingo 26 de febreiro ao partido fronte ao equipo da súa terra, o Real Valladolid.

O 26 de febreiro terá lugar o homenaxe ó Xuvenís División de Honra 2000-2001, que formaron parte do noso club hai 23 anos.

Lanzarose o esperado vídeo dos 100 anos de historia do RC Celta. 100 anos cheos de emoción nos que che poderás mergullar a través do popular canle de Youtube @AcademiaPlay. Podes velo pulsando aquí.

Participa na votación do teu once histórico favorito para unha ocasión moi especial. Podes votar a través das RRSS ata o 21 de febreiro ata as 23:59h. Para que? Desvelarémolo máis adiante. Únete a esta acción do RC Celta e Estrella Galicia para facer historia connosco!

O 12 de febreiro ás 16:15h xogarase a 21ª xornada de liga entre o RC Celta e Atlético de Madrid. Coma no encontro anterior, habilitarase un punto de recollida de bufandas na entrada do Museo Deportivo na bancada de Gol (ao carón das billeteiras). Aqueles abonados Miudiños, Infantl e Sub15 que non recolleran as súas bufandas nas dúas ocasións anteriores, teñen a derradeira oportunidade para facelo este domingo de 14h a 16h, Lembra que deberá presentarse o carné FÍSICO do abonado Miudiño, Infantil ou Sub 15. Non quedes sen a túa!

Este domingo 29 de xaneiro arranca a recollida de alimentos baixo o lema ‘100 anos – 100 toneladas’ que uniu novamente ó RC Celta e a súa Fundación e ó Banco de Alimentos de Vigo. A partires das 16:00h, dúas horas antes do partido ante o Athletic Club, os afeccionados poderán participar nesta campaña, a cal terá continuidade ó longo dos próximos meses, permitíndolles aportar así o seu gran de area a esta iniciativa. Os puntos de recollida estarán habilitados nas chairas de Tribuna, portas 17, 18 e 19 da Grada de Río e na porta 25 de Gol.

O 23 de xaneiro ás 18:30h terá lugar a inauguración da exposición "100 anos de RC Celta. Gol e Arte" no Museo do Mar de Galicia. Esta exposición, que se estenderá ao longo de febreiro, permitirá gozar da selección de obras de grandes pintores galegos que o club foi recompilando durante anos. Podes visitar a colección en Av. dá Atlántida, 160, 36208 Vigo (Pontevedra). Horario: Martes a venres: 10h a 14h / 16h a 19h; sábado a domingo: 11h a 14h / de 17h a 20h; luns pechado. *Exposición ampliada ata o 19 de marzo.

O 30 de decembro ás 19.15 horas disputarase un partido de Liga entre o RC Celta e o Sevilla. Será un encontro moi especial, que dará comezo ao Centenario coa celebración previa de badaladas en colaboración con Estrella Galicia. Será un momento histórico, así que o día 30 tedes unha cita no estadio Abanca Balaídos!

Os vigueses lembrarán o vindeiro mércores 7 de decembro ás 6 da tarde o primeiro partido da súa historia ante o Boavista no Estadio Abanca Balaídos para revivir o partido disputado o 23 de setembro de 1923.

Acto de presentación de él Centenario de él RC Celta. Entrada con invitación. Transmisión a través de @rccelta. 16 de noviembre de 2023 la lanas 19 h en él Salón Regio de La Sed. (Rúa del Príncipe, 44 - 36202 Vigo)