CENTENARIO
1923 - 2023
100 anos de Afouteza e Corazón
CentenarioRC Celta
1923, o ano en que dous equipos e dúas afeccións deciden unirse para crear algo moito máis grande: o Real Club Celta de Vigo. 2023, o ano do noso Centenario. E o ano no que o celtismo vístese de gala para celebrar os 100 anos de alegrías, penas, lendas, retos, vitorias, unión, éxitos, desesperación, esperanza… E en definitiva, de vida do RC Celta.
2023, un ano para lembrar
Unha programación única e diferente, á altura dos 100 primeiros anos de historia do RC Celta. Homenaxearemos a todas as persoas que apostaron pola creación do club, ós xogadores que fixeron historia vestindo a camiseta celeste, á afección que acompañou ao club de maneira incansable. Lembraremos os momentos históricos, as xestas, as alegrías… Poñeremos en valor nosa aposta pola canteira e o prometedor futuro que temos por diante.
Unha conmemoración que nace da afección e da nosa masa social. Escoitamos as vosas propostas, as vosas inquedanzas para desenvolver esta celebración. A afección e a cidadanía son os protagonistas deste Centenario.
Unha celebración para Vigo, para Galicia e para todos os seguidores que apoian ao equipo desde calquera lugar do mundo e a todos os que formaron parte deste gran proxecto desde os seus inicios ata o día de hoxe. Unha celebración única que só sucederá unha vez na vida, e que levará como lema a propia esencia e identidade do club: Afouteza, corazón, orgullo e tradición.
Unha programación de actos que se desenvolverá ao longo de 2023 e parte de 2024.
Novas do Centenario
CentenarioAxenda
AXENDA
-
“100 ANOS – 100 TONELADAS”
O gran reto de "100 anos - 100 toneladas" estará vixente todo o ano con puntos fixos nas tendas oficiais do RC Celta, e outros puntos estratéxicos que se irán anunciando ao longo do ano para conseguir a meta solidaria de 100 toneladas de produtos de primeira necesidade para o Banco de Alimentos.
Patrocinadores principales
Patrocinadores oficiales
Colaboradores oficiales
.svg){kind=small}
.svg){kind=small}
