A RECONQUISTA TRASLÁDASE ESTE DOMINGO A ABANCA BALAÍDOS NA PREVIA DO RC CELTA- UD ALMERÍA
O CENTENARIO CHEGA AOS CELTISTAS MÁIS NOVOS NUN ENCONTRO CON IAGO ASPAS E GABRI VEIGA NO MAR DE VIGO
30 Marzo 2023
AS ENTRADAS PARA O EVENTO ‘CENTENARIO COS CATIVOS’, DISPOÑIBLES O VINDEIRO LUNS
5 Abril 2023
A popular festa que axita á cidade de Vigo estes días terá continuidade este domingo en Abanca Balaídos, escenario desde as 14.00 horas dun partido clave para determinar o devir do RC Celta esta tempada. O cadro celeste recibe ao Almería no fragor da Reconquista, que se trasladará ao estadio celeste para facer partícipe á afección desta singular celebración viguesa.
Desde as 12.30 horas, todas as bancadas do estadio de Abanca Balaídos ofrecerán comida aos afeccionados e, como non, entre as viandas dispoñibles estará o característico choripán.
A previa estará amenizada por Eme DJ, unha das DJ en activo máis recoñecidas dos festivais e pistas de baile de toda España. Foi elixida como a mellor DJ nacional por Rockdelux varios añvos (2010, 2011 e 2014) e nomeada en varias ocasións nos Vicious Music Awards como mellor DJ. Eme DJ poñerá música á previa en Abanca Balaídos, desde as 12.45 horas e ata o inicio do partido.
Xusto antes do comezo do encontro vivirase un momento moi especial. O abonado celeste Julián Mouriño Trigo celebrará o seu 101 aniversario realizando o saque de honra desde o céspede de Abanca Balaídos.
.svg){kind=small}
.svg){kind=small}
