AS ENTRADAS PARA O EVENTO ‘CENTENARIO COS CATIVOS’, DISPOÑIBLES O VINDEIRO LUNS
A RECONQUISTA TRASLÁDASE ESTE DOMINGO A ABANCA BALAÍDOS NA PREVIA DO RC CELTA- UD ALMERÍA
31 Marzo 2023
LALIGA GENUINE SANTANDER REGRESA Á MADROA NA TERCEIRA FASE DA TEMPADA 2022/23
17 Abril 2023
As entradas para o evento ‘Centenario cos Cativos’, que terá lugar o 19 de abril no Auditorio Mar de Vigo, estarán dispoñibles a partir do próximo luns día 10 na páxina web oficial do Centenario. Neste evento, organizado pola Fundación Celta, os celtistas menores de 16 anos terán a oportunidade de coñecer mellor a historia do club e a dous dos seus ídolos, Iago Aspas e Gabri Veiga.
Ademais, poderán gozar do espléndido espectáculo que ofrece Anto Sanz, campión de España e oitavo do mundo de fútbol freestyle.
O prezo das entradas para este gran evento será dun euro, que será destinado de maneira íntegra á adquisición de alimentos non perecedoiros para o Banco de Alimentos de Vigo e a campaña solidaria ‘100 anos – 100 toneladas’, posta en marcha con motivo do Centenario por esta entidade benéfica e a Fundación Celta.
As entradas poderán adquirirse o vindeiro luns AQUÍ
.svg){kind=small}
.svg){kind=small}
