O CENTENARIO CHEGA AOS CELTISTAS MÁIS NOVOS NUN ENCONTRO CON IAGO ASPAS E GABRI VEIGA NO MAR DE VIGO
CENTENARIO: O FILIAL CELESTE DENOMINARASE DESDE A PRÓXIMA TEMPADA CELTA FORTUNA EN HOMENAXE ÁS ORIXES DO CLUB
23 Marzo 2023
A RECONQUISTA TRASLÁDASE ESTE DOMINGO A ABANCA BALAÍDOS NA PREVIA DO RC CELTA- UD ALMERÍA
31 Marzo 2023
O Centenario do RC Celta vivirá o próximo 19 de abril un dos seus eventos máis enriquecedores e emotivos, xa que os grandes protagonistas serán os celtistas máis novos. O Auditorio Mar de Vigo acollerá o ‘Centenario cos Cativos’, un encontro, organizado pola Fundación Celta, entre nenos menores de 16 anos e os canteiráns Iago Aspas e Gabri Veiga, un acto que comezará ás 18 horas e no que os pequenos terán oportunidade de coñecer mellor aos seus ídolos e a historia do RC Celta.
Ademais, os asistentes poderán gozar do magnífico espectáculo que ofrece sempre Anto Sanz, campión de España e oitavo do mundo de fútbol freestyle.
O prezo das entradas para este gran evento será dun euro, que será destinado de maneira íntegra á adquisición de alimentos non perecedoiros para o Banco de Alimentos de Vigo e a campaña solidaria ‘100 anos – 100 toneladas’, posta en marcha con motivo do Centenario por esta entidade benéfica e a Fundación Celta.
O club ofrecerá nos próximos días completa información sobre o proceso de compra de entradas para este evento.
.svg){kind=small}
.svg){kind=small}
