ESTRELLA GALICIA PRESENTA O BEHIND THE SCENES DE ‘OLIVEIRA DOS CEN ANOS’, A OBRA COA QUE C.TANGANA HOMENAXEA O CENTENARIO DO RC CELTA

A peza desvela como se rodaron algunhas das escenas máis espectaculares desta obra histórica, que en apenas uns días superou xa o millón e medio de visualizacións en Youtube.

A produtora Little Spain, da que é cofundador C. Tangana, está detrás desta produción, que contou coa participación de decenas de músicos e artistas locais, ademais de máis de mil afeccionados do RC Celta.

A obra audiovisual, ideada e dirixida polo mesmo C. Tangana, conmove estes días a crítica musical e cinematográfica en todo o mundo, con recensións en decenas de medios internacionais.

Estrella Galicia, como patrocinador principal do RC Celta e do seu Centenario, quere así sumarse ao entusiasmo e orgullo da afección celeste e compartir con eles os segredos dun vídeo que logrou emocionarlles e sorprender ao resto do mundo.

A peza cinematográfica ‘Oliveira dos Cen Anos’ é a carta de presentación ante o mundo do himno do Centenario do RC Celta, composto e producido por C.Tangana. Rodada en el entorno de la Ría de Vigo, esta obra ha llamado la atención por las espectaculares imágenes que muestra de la ensenada, la Isla de San Simón y el Puente de Rande, tomados con pasión por la afición celeste para entonar y defender el recién estrenado himno.

Detrás deste traballo está Little Spain, a produtora audiovisual cofundada polo artista madrileño Antón Álvarez (C. Tangana). O artista ponse detrás das cámaras, como el mesmo di, movido polo sentimento de pertenza ao Celta e o orgullo pola tradición e cultura galegas, inculcado pola súa familia, de orixe viguesa. Con todo, o reto maiúsculo de levar ao audiovisual un sentimento así non estivo exento de complexidade.

Desde o principio, a rodaxe supuxo un enorme reto técnico. “O primeiro día citamos ao equipo ás 4 da mañá a beiras da Ría de Vigo. Cando o día empezaba a clarexar estabamos na Illa de San Simón cun despregamento técnico tremendo. Aí empezou unha carreira contra a luz e o vento para conseguir esa gran imaxe coa que se abre o vídeo. Se calquera elemento fallase xogabámonos o gran momento inicial que levabamos semanas preparando”. Explica Cris Trenas, Produtora Executiva de Little Spain.

A rodaxe contou coa participación de decenas de artistas e músicos locais, que á súa vez xa participaran na composición e gravación da peza musical. Case cen membros da histórica Coral Casablanca, as ‘pandereteiras’ As Lagharteiras, membros da banda punk Keltoi!. Son algúns dos artistas que participaron na gravación desta peza na contorna da icónica Ponte de Rande. Todos eles acompañados polos grandes protagonistas do vídeo, a afección do RC Celta. E é que máis dun milleiro de seguidores do club puxéronse ás ordes de C.Tangana durante toda unha madrugada para lograr eses espectaculares planos que desprenden emoción e celtismo.

“Estamos especialmente agradecidos co compromiso e a disciplina de todos os que nos axudaron poñéndose diante das cámaras. A Coral Casablanca resistiu horas encima dunha batea con moito frío, pero cada vez que dabamos acción levantaban as mans cheos de enerxía, igual que os afeccionados do Celta, que tamén foron unha peza clave durante unha longa noite de rodaxe”. Contan dende a produtora.

Intérpretes e figurantes distribuíronse ondeando bandeiras e bengalas entre as tres localizacións principais: a Illa de San Simón, as bateas e a Ponte de Rande. “Entran en xogo moitos factores difíciles de controlar, pero a cambio tes un escenario impresionante, digno do Señor dos Aneis. Oxalá por mor desta peza máis xente anímese a explorar Galicia como estudio de cine”.

En palabras do artista, C.Tangana: “Sen dúbida foi o meu maior reto como director. Nunca traballara nun proceso tan ambicioso. Anteriormente dirixira o vídeo de ‘Ateo’, que foi un exemplo de como ir da primeira demo da canción, ata completar toda a obra. Con todo, nesta ocasión a implicación emocional co Celta, Galicia e a dimensión da produción leváronme a un lugar moi distinto“.

Pola súa banda, José Cabanas, CMO de Hijos de Rivera sinala que “a tradición centenaria e a nosa orixe son probablemente dous dos principais valores que nos definen en Estrela Galicia. Este ano 2023 unímonos con entusiasmo á celebración dos 100 anos do RC Celta e non podemos estar máis ilusionados de ver o resultado do traballo de C.Tangana co Club, do que estamos seguros que contribuirá a expandir o celtismo polo mundo”.

Dende o club, estes días sacan peito desta obra que xa é historia do Celta e vai camiño de converterse nunha das pezas musicais e audiovisuais máis destacadas do 2023. Medios como Billboard, The New York Times ou The Guardian destacan a calidade artística da proposta e a súa transcendencia cultural.