KELTOI!, COSTAS, RECIBIMENTO AO EQUIPO, TIFO… A PRIMEIRA GRAN FESTA DO CENTENARIO, ESTE VENRES EN ABANCA BALAÍDOS
CELTISMO E EQUIPO, UNIDOS O VINDEIRO VENRES 30 NO ESPECTACULAR PRIMEIRO PASO DO CENTENARIO
17 Xuño 2024
O CENTENARIO SE MERGULLA NA CULTURA: O MUSEO DO MAR ACOLLE DESDE O LUNS A EXPOSICIÓN ‘100 ANOS DE RC CELTA. GOL E ARTE’
17 Xuño 2024
Primeiro partido de 2023 en Abanca Balaídos. O equipo e todo o celtismo uniranse durante o partido entre RC Celta e Vilarreal CF nunha celebración de #100anosdeAfoutezaeCorazon, que tivo que ser posposta en parte hai uns días pola alerta meteorolóxica.
O partido, ás 21:00 horas, será o eixo central dunha gran festa con protagonismo absoluto da afección, que participou de maneira activa na confección desta programación a través das propostas enviadas á web do Centenario e nunha recente reunión coa Federación de Peñas. Durante todo o día viviranse momentos de paixón e emocións para conmemorar os primeiros cen anos que cumpre o club.
As actividades comezarán na contorna do estadio ás 16:00 horas con animación infantil, pintacaras, animadores, zancudos, globoflexia… Desde as 17:45 horas, na chaira exterior de Tribuna, os seguidores celestes poderán gozar despois dunha das bandas de referencia para o celtismo: Keltoi!.
Os vigueses ofrecerán ao Celtismo un repertorio onde non faltarán cancións como ‘1923’ ou ‘Unhas cores, un sentimento’. Ademais, contarán cun invitado moi especial para a ocasión.
Miguel Costas, membro histórico de ‘Siniestro Total’ e autor de himnos tan recoñecidos como ‘Miña Terra Galega’ ou ‘Bailaré sobre tu tumba’ subirase ao escenario con Keltoi! no que será un momento único para a música viguesa e o celtismo. A xornada musical completarase co DJ Javier Vidal, habitual da Iguana Club e a Sala Mondo.
Ás 19:23 horas chegará un dos puntos fortes da xornada. O autobús celeste chegará a Abanca Balaídos e reviviranse as espectaculares escenas de comuñón entre equipo e afección que tantas vitorias, algunhas milagrosas, propiciaron.
Non será a última das accións desta inesquecible xornada. Antes do inicio do partido un gran tifo lanzado desde a bancada de Río homenaxeará ás lendas celestes que durante estes 100 anos de historia marcaron época no club.
Unha xornada na que haberá máis sorpresas para a afección celeste que acuda a Abanca Balaídos para arroupar ao equipo ante o Vilarreal CF.
.svg){kind=small}
