BORJA OUBIÑA PRESENTA O SEU LIBRO “4 OUBIÑA”

Esta tarde, nun emotivo evento celebrado no Salón Regio de A Sede, o emblemático ex xogador do RC Celta, Borja Oubiña, presentou o seu primeiro libro titulado “4 Oubiña”. Nestas memorias escritas en primeira persoa por Iago Solleiro, Borja mergúllase na súa vida como futbolista profesional para ofrecer unha visión íntima e persoal do fútbol desde a perspectiva dun deportista de elite. O libro non só narra a súa historia como celeste e celtista, senón tamén as súas experiencias máis aló do club, abordando temas como o negocio do fútbol e a extrema esixencia física.

O conselleiro José Manuel Amoedo participou na presentación e describiu “4 Oubiña” como unha obra imprescindible para os afeccionados ao deporte rei. Segundo Amoedo, o libro captura a esencia do celtismo e a dedicación que define a Borja Oubiña, destacando a súa importancia como unha figura emblemática do club.

Ao evento tamén asistiu Marián Mouriño, a cal tivo a honra de escribir un dos prólogo do libro. Nel, afirma que, aínda que moitos cren coñecer a historia de Borja, esta obra revela aspectos descoñecidos e sorprendentes. Para ela, foi un orgullo contribuír nun texto que conta a historia dun neno que, grazas á súa perseveranza, converteuse nunha lenda e un exemplo de canteira.

“4 Oubiña” xa está dispoñible en todas as librerías, na tenda do RC Celta e en liña a través da páxina web da editorial Elvira, listo para que o celtismo e os afeccionados ao fútbol en xeral poidan descubrir as vivencias persoais dun dos xogadores máis icónicos do RC Celta.